Sumpah I Love You

dik ayo dik mai jak bli melali
ajake di bet bete melali
swear di hati beli demen ajak adi
de adi jual mahal ajak beli
ngorahang sing juari,
ngorahang bli playboy
sumpah mati bli kosong jani

bli sing sombong tekening ragan adi
ulipidan bli love you ajak adi
blah tangkah bli lamun adi sing ngugu
mule beli jujur teken adi
beli lakar muktiang
]ngungkapang kata hati
beli always love you ajak adi

tulungin buka pintu hatin adi
terima jani cinta bli
de je misi mekirig ajak beli
beli tusing gombal ajak adi
pangsing omong omong dogen
beli ajak adi
jani kal buktiang tresnan beli

d(^_^)b

Nedeng Kembang

sekadi bungane sane nedeng kembang
keiterin toye semarene
ne jani tiang sube ,sube menek bajang
dot pesan tiang ngelah gegelan

boye je sekancan janji ne ucapang
lakar satya sehidup semati
bukti sekancan tresne
kal nyayangin tiang
tusing lakar nyakitin hati

adeke,,,adeke anak muani
ane side ngubadin
rindu niki
sida pacang lakar nyalaning tresne

bungane kembang side keserahang teken beli
jalan beli, mai jalan
bareng dini medemenan

d(^_^)b

sing ade lawan

yening pidan beli tusing bani ngenehang adi
tau teken dewek jelek goban beli benyah latig
kanti beli tusing taen pesu
maekin sekancan bajang bajange
boje beli tuare angob
ngalih nak jegeg anggo gegelan

jani nyen ade ne wanen ngewade dewek beli
kel edengang apenge matane mekejang pade nengeng
buat kebagusan jeneng beline
mirib tusing je ade lawan
aduh..kanti ngantre bajang2nge
ngutang gegaen nongosin beli

aduh...bingung kenehe jani ngabe ganteng beline
mekejang buduh paling ngerebut ngrunyungin beli
apang menepukin i tomingse ne di bali

ape ane ngranayang goban beli buke kekene
ulian pekak beline nyampi nyampi dewek beli
aji beborehan bawang cekuh kesune jangu

 d(^_^)b

Pati Grepe

manis salak baline
putih gading yen pelut kulitne
lebian bakat daar beli
mekade sakit..sakit kolongane

manis kenyem adine
to ngranayang dot beli ngelahang
sesai adi ngode beli
ngemaang selah di peteng petenge

tuare sanggup beli ngisinin
pengidih adine
keukud awak beline ngetor
mesrieng jering bulun kalonge
nyerekcek peluh beli kesisi

mare nyumunin nawang bajang
runtag bayun beli
mare nyumunin metunangan
pati grepe liman beli

d(^_^)b

Sopir Inguh

sing taen tiang ngelah bayu luung
sebilang tindakan kambang batise mejalan
ngalih pipis ulian dadi sopir
peluh pidit ulian nguyeng setir

mekejang jani pade ajak keweh
timpal dadi musuh
ulian ngalih isin basang
saling sikut ngalih muatan
dikantonge apang maan setoran

lengise mael ajin barang ngemenekan
dikenkene motore suing payu mejalan

pianake jumah
state ngeling nagih nagih pipis
kurenane jumah
setate paling pragat ngalih utang
ape buin ngajak rerame sakit sakitan
keweh keweh  pesan baan tiang mengitungan
ken ken nang medaye
bayu inguh state mecik pelengan

d(^_^)b

Uyah sere tabia

yen dadi tiang ngidih ken beli
sing dadi nyelekang kurenan pedidi
ulian sing taen nyeduhang kopi
ulian sing taen nampingin daaran nasi
ento anggone alasan pang pesu uli jumah
megedi.....

de kadene tiang sing nawang
ken ken jelek solah beli ne di sisi
sai ngugulin anak nu bajang
sai pesu nganggurin dagang kopi
yen jumah ngaku tua
yen pesu ngaku truna sing ngelah kurenan

diapin medagang uyah sere tabia
tiang tusing je elek
diapin lemah peteng tiang megae
ulian dadi buruh tukang suun
timbang ngelah somah sing ngemang gajih bulanan
kene ke caran beli nganggo tiang kurenan

runguang dong ajinin tiang
de bagus beli anggone mogbogin anak luh
sing dadi...

d(^_^)b

Silih Silih Kambing

dibi sanje luh nyilih ye ibeli
gegelan tiange ane sayang
kejep dogen keto i luh nyambatang
ngidih tulung kel ngatehang pesu
sing ade sengsaye di hati
wireh iluh kadi nyame tugelan

ken ken kaden unduke di jalan
ngude iluh tusing melipetan
ngepah ngelel tiang ngantosang
tekan iluh ngajak ye i beli
cemburu dini di hatine
kesemengan ngundap mengantosang

dadi hati iluh mogbogin pedewekan tiange
manis madu munyin iluhe di duri nyakitin

silih silih kambing
suud nyilih sing inget nguliang
dadi hati iluh mlaibang gegelan timpal
nyesel tiang ngelah timpal anak buke iluh
manis di gobe nanging berek solah ne

inget dibi tiang iseng melali
nglimurang deweke sakit hati
sing je nyelapang kecunduk ngajak iluh
medandan tangan ngajak i beli
kebilbil congah sebeng iluhe
mekelid mare nepukin tiang

dadi hati iluh mogbogin pedewekan tiange
manis madu munyin iluhe di duri nyakitin

silih silih kambing
suud nyilih sing inget nguliang
dadi hati iluh mlaibang gegelan timpal
nyesel tiang ngelah timpal anak buke iluh
manis di gobe nanging berek solah ne

d(^_^)b

Beli Sayang

mekelo sube irage tusing ketemu
rindu dihati tan side menaenang
dine ne jani galah irage kecunduk
lege liang kerase di hati
 
ngejer tangkahe di subane ketemu
tiang mekenyem nanging beli ngacuhin
duh beli sayang,to ngude beli keketo
tusing ke beli merase rindu

yen mule saje beli merase rindu
meriki je nampekin tiang
oh....ho....
beli sayang dije kenyem manise
beli sayang edengang teken tiang
mekelo sube tiang ngantosang
to ngude beli acuh ngejohin tiang...

Somah Satya

warsa siu sange sie dase sie
mare nyumunin rage mekurenan
mapag hidup beli ngajak adi
pianak dadue pinake bukti tresnane
ane jani sube ngansan ngelihan

nanging beli serase ngaenang
ragan adi menyakit hati
bes keliwat jelek bikas beline
state ngulurin demen beline pedidi
kanti ngengsap keweh pianak kurenan

kadi rase pedidi adi megae
apang nyidayang bungut paone state mekudus
kanti berag pedidi adi mekeneh
apang nyidayang pianake state mesekolah

nanging adi sing taen memedih
nu tetep satya ken dewek beli
ane jani beli mejanji
lakar ngaenang hidup adine bagia 

d(^_^)b

Suargan Idup

saje luung lan jaen yen rasayang
kewale ngaenang buduh paling
sekancan jatme ne taen ngrasayang
arak bali ne side ngaenang
bedake ngemuduhin
extacy ne memurti
be pasti ngaenang benyah hidupe

narkoba ne nyandang ento kelidin
sex bebas ne kebaos, diolas ento sing dadi
memunyah tur mejudi
yen nyidang ento kelidin ento ejohin,
sayangang je deweke
pedalem reramane
sewai ngacepang rage nemu rahayu....

buke megantung bok akatih ye i meme
nglekadin irage
angkihan ne sing buungan dadi jaminan idup
anggon ngetohang dewekne malu
kanti lengar i bape sai mekeneh
pang nyidang ngidupin irage

jamane ne jani kaliyuga ne kebaos
tekekang ngabe keneh
melahang nyalanang hidup
rastiti ring hyang widi
kenyem irerame pinake suargan idupe

d(^_^)b

kalahin tunangan

suudang monto adi.. 

mangenehang unduke beliwat

anake medemenan 

kalahin tunangan to biase.....

mirib tuare jodoh  

kemu lakuang ne jani kenehe

pang side pari purna 

pang suud nandang kesengsaran

penyingakan adine
kanti bengul lebihan ngeling
berag ragan adine
layu dudus muane ocem

masa depan adine
paling melah ne jani kenehang
percaye je buin mani
pasti luwungan teken jani...

 

 

Buktiang

tatkale tresne ade dini
mentik di hati
nadak hati mebunga bunga
adi nerima tresnan beli
ane sujati oh..ho...
nanging mare di munyi

kecup je adi pipin beline
apang mebukti tresnane
ento pinake cihna
tresnane metu uli di dasar hati
ditu mare ade sayang
ditu mare ade tresne ne sujati

sampunang adi salah tampi
kapining beli ....
indik napi pengidih beline
sane aptiang wantah tresne
ane sujati oh..ho..
saking manahe suci.. Buktiang...

kecup je adi pipin beline
apang mebukti tresnane
ento pinake cihna
tresnane metu uli di dasar hati
ditu mare ade sayang
ditu mare ade tresne ne sujati

Nanggehang Rindu

petenge sepi buka jani
beli dini inget ken adi
minab adi tusing kadi beli
uyang paling nagggehang rindu

yen bakat terus ingetang
rase sing telah ben nuturang
dugas irage ngucapang janji
sehidup semati ajak dadua

enu satya nyaputin kulit beli
bajune sane baang adi
diapin adi ngalahin dewek beli
tresnan beli tusing je ilang
ggerudug ombak ne wenten di merta sari
lakar state delokin beli
pinake dewa saksi tresnan beline
kapining ragan adine...

Tumben Ketemu

mekelo di tamane
tamane ane linggah
kerase liang hatine
kupu kupu ngerauhin
kadi sinar bulane galang
menyunarin hatine liang

angine mengesisir
ane ngetisin hati
yup sayup mengampehin
kadi manis kenyem adine
liang liang hatine girang
ne mecande.... ajak dadua

munyin kedis rame pisan saling sautin
minab girang nyaksiang petemuan i rage
ajak daduatumben ketemu ngajak adi..
liang hatine....,